Minning um smáar hendur og fætur varðveitt vandlega

Hvern langar ekki að varðveita minninguna um agnarsmáar hendur og fætur barna sinna? Stóra spurningin er hvernig? Vissulega er hægt að láta börnin stíga í málningu eða á blekpúða og síðan á blað og varðveita svo prentið svo lengi sem kostur er.

Hér er hinsvegar betri hugmynd. Láttu Japanska hönnunarmerkið Rezon gera fyrir þig stimpil sem varðveitist áratugum saman.

Rezon er með netverslun þar sem þú getur sent inn fóta eða handarfar af barni og þeir útbúa glæsilegan stimpil þar sem fæðingardagur og nafn barnsins er grafið í.

Verðið er 8.800 Yen sem gera u.þ.b. 12.000 kr þegar þetta er skrifað, auk þess er sendingarkostnaður til Evrópu um 2.500 kr. þannig að alls kostar stimpillinn um 14.500 kr kominn heim til Íslands. Svo er bara spurning hvort það bætist einhver virðisauk og tollagjöld ofan á allt saman. Ekki að það skipti höfuðmáli því vel varðveitt minnig er mikils virði.

Hægt er að panta svona stimpla hér: http://www.otetetoanyo.com