Nýttu gallabuxabuxurnar af fyrrverandi!

Ef þú ert í þann mund að sparka kallinum út er tilvalið að grípa uppáhalds gallabuxurnar hans fyrst og senda þær á Patty O og hún mun breyta þeim í ljómandi fína tösku!

Patricia Ordones eða Patty O eins og hún kýs að kalla sig er útsjónasamur, umhverfisvænn hönnuður sem tekur gömul föt og endurlífgar þau. Þetta gerir hún gjarnan með því að "splæsa" saman tveimur eða fleiri flíkum á mjög skemmtilegan máta.

Eitt af því skondnara sem hún gerir er að bjóða fólki upp á að senda til sín gallabuxur af fyrrverandi en hún breytir þeim í tösku eins og sést hér á myndinni að neðan:

 

Á krepputímum sem þessum þá er gott að horfa til hönnuða eins og Patty en hún sýnir og sannar að ef maður er með sköpunargáfuna í lagi er algjör óþarfi að henda gömlum flíkum sem maður er hættur að nota. Þess í stað eigum við að tína þær út úr skápnum, raða á rúmið eða gólfið og velta því fyrir okkur hvernig við getum breytt þeim, bætt þær, splæst þeim saman eða gert eitthvað alveg nýtt úr þeim.

Hér eru nokkur skemmtileg dæmi...

Jakkafatahettupeysan:
Hér er jakkafatajakka splæst saman við hettupeysu. Jafnframt eru renningar af gömlum gallabuxum notaðir til að "poppa" jakkann upp ásamt smá lopa (brúnu rendurnar við hliðina á galla-röndunum)

Gallabeltið:
Hér er búið að breyta buxnaskálm af gallabuxum í þetta líka ljómandi fína belti!

Oxford Kjóllinn:
Búinn til úr hvítri Oxford skyrtu sem áður var í eigu föðurs eigandans. Ótrúlegt hvað hægt er að gera glæsilegan kjól úr einfaldri hvítri skyrtu.

 

Nú er bara um að gera að draga gamlar druslur út úr skápunum og leyfa sköpunargleðinni að ráða ríkjum næstu daga!